വനിതാ ഏഷ്യാ കപ്പ് ടി20: ബംഗ്ളാദേശ് ടീമിന്റെ കരുത്ത് ആയ മൂന്ന് താരങ്ങൾ തിരിച്ചെത്തി

Share Now

ധാക്ക: വനിതാ ഏഷ്യാ കപ്പ് മത്സരങ്ങൾക്ക് ഒക്ടോബർ ഒന്നിന് തുടക്കം. ഒക്ടോബർ ഒന്ന് മുതൽ 15 വരെയാണ് ഏഷ്യാ കപ്പ് നടക്കുക. നിലവിലെ ചാമ്പ്യൻ ബംഗ്ലാദേശ് കിരീടം നിലനിർത്താനുള്ള ശ്രമത്തിലാണ്. 2018-ൽ ഏഷ്യാ കപ്പ് ട്രോഫി തിരിച്ചുപിടിച്ചുകൊണ്ട് ബംഗ്ലാദേശ് ഇന്ത്യയുടെ ആധിപത്യം തകർത്തു. ഏഴ് ടീമുകൾ ആണ് മാറ്റുരയ്ക്കുക. അടുത്ത മാസം സിൽഹറ്റിൽ ആരംഭിക്കുന്ന 2022 വനിതാ ടി20 ഏഷ്യാ കപ്പിനുള്ള ബംഗ്ലാദേശ് ടീമിൽ തിരിച്ചെത്തിയ മൂന്ന് കളിക്കാരിൽ ഒരാളാണ് ജഹനാര ആലം.

ഞായറാഴ്ച അബുദാബിയിൽ നടന്ന വനിതാ ടി20 ലോകകപ്പ് യോഗ്യതാ മത്സരത്തിൽ വിജയിച്ച ടീമിൽ ഫർഗാന ഹോക്ക്, ഫാരിഹ തൃസ്‌ന എന്നിവരും ഇടം നേടിയിട്ടുണ്ട്. ഫാസ്റ്റ് ബൗളർ ജഹനാരയ്ക്ക് കൈക്ക് പരിക്കേറ്റതിനെ തുടർന്ന് യോഗ്യതാ മത്സരങ്ങൾ നഷ്ടമായിരുന്നു. യു.എ.ഇയ്‌ക്കെതിരെ ഉണ്ടായ സന്നാഹ മത്സരത്തിനിറങ്ങിയ ടീമിൽ ജഹനാര ഉണ്ടായിരുന്നുവെങ്കിലും, അവൾ ബാറ്റ് ചെയ്യുകയോ ബൗൾ ചെയ്യുകയോ ചെയ്തില്ല. തുടർന്ന് ബംഗ്ലാദേശിലേക്ക് മടങ്ങുകയായിരുന്നു.
കൊവിഡ്-19ൽ നിന്ന് സുഖം പ്രാപിച്ച ഫർഗാന എന്ന ബാറ്റർ ഫർഗാനയും തിരിച്ചെത്തി. അബുദാബിയിൽ ആദ്യമായി സീനിയർ വനിതാ ടീമിലെത്തിയ ഷർമിൻ അക്തറിനും മറുഫ അക്‌തറിനും പ്രധാന ടീമിൽ ഇടമുണ്ടായിരുന്നില്ല. നുഷാത്ത് തസ്‌നിയയും റബീയ ഖാനും ഉൾപ്പെടുന്ന നാല് സ്റ്റാൻഡ്‌ബൈ കളിക്കാരിൽ ഒരാളായി ഇരുവരും ഇടം കണ്ടെത്തുന്നു. നിഗർ സുൽത്താനയാണ് ടീമിനെ നയിക്കുന്നത്.